{چەند سیفاتێكی تری مونافیقان} [ قَدْ يَعْلَمُ اللَّهُ الْمُعَوِّقِينَ مِنْكُمْ وَالْقَائِلِينَ لِإِخْوَانِهِمْ هَلُمَّ إِلَيْنَا ] به‌دڵنیایى خوای گه‌وره‌ ئه‌زانێ ئه‌و كه‌سانه‌ی كه‌ ڕێگر بوونه‌، واته‌: مونافیقان كه‌ ڕێگر بوونه‌ له‌وه‌ی كه‌ خه‌ڵك له‌گه‌ڵ پێغه‌مبه‌ری خوادا - صلی الله علیه وسلم - ده‌رچێ بۆ جیهاد، وه‌ ئه‌وانه‌ی كه‌ به‌ خزم و براكانی خۆیان به‌ خه‌ڵكی مه‌دینه‌یان ئه‌ووت: وه‌رن بۆ لای ئێمه‌ بۆ ناو باخ و به‌رووبووم و سێبه‌رو واز له‌ محمد - صلی الله علیه وسلم - بێنن [ وَلَا يَأْتُونَ الْبَأْسَ إِلَّا قَلِيلًا (١٨) ] وه‌ له‌ ترسی مردندا ناچنه‌ جه‌نگه‌وه‌ ته‌نها كه‌مێكیان نه‌بێ.