[ وَلَوْ تَرَى إِذْ وُقِفُوا عَلَى رَبِّهِمْ ] ئای ئه‌ی محمد- صلى الله عليه وسلم - ئه‌و كافرانه‌ ببینی كه‌ ڕاوه‌ستێندراون له‌به‌ر ده‌ستى خوای گه‌وره‌ له‌ ڕۆژی قیامه‌ت به‌ راستى دیمه‌نێكى زۆر ترسناك ده‌بینیت [ قَالَ أَلَيْسَ هَذَا بِالْحَقِّ ] كه‌ پێیان ئه‌ووترێ: ئا ئه‌مه‌ ڕۆژی قیامه‌ته‌ ئه‌وه‌ی كه‌ ئێوه‌ ئینكاریتان ئه‌كرد ئایا ڕۆژێكی حه‌ق و ڕاست نه‌بوو [ قَالُوا بَلَى وَرَبِّنَا ] ئه‌ڵێن: به‌ڵێ سوێند بێ به‌ په‌روه‌ردگارمان حه‌ق و ڕاست بوو [ قَالَ فَذُوقُوا الْعَذَابَ بِمَا كُنْتُمْ تَكْفُرُونَ (٣٠) ] ده‌ی بچێژن سزای خوای گه‌وره‌ به‌هۆی ئه‌و كوفرانه‌ی كه‌ له‌ دونیادا ئه‌تانكرد.