[ أَلَمْ تَرَ إِلَى الَّذِينَ يُزَكُّونَ أَنْفُسَهُمْ ] ئایا نابینی ئه‌وانه‌ی كه‌ ته‌زكییه‌ی نه‌فسی خۆیان ئه‌كه‌ن و خۆیان به‌ باش دائه‌نێن كه‌ جووله‌كه‌و گاوره‌كان بوون ئه‌یانووت: ئێمه‌ نه‌وه‌و خۆشه‌ویستی خوای گه‌وره‌ین و ئاگر ئێمه‌ ناگرێته‌وه‌ [ بَلِ اللَّهُ يُزَكِّي مَنْ يَشَاءُ ] به‌ڵكو خوای گه‌وره‌ خۆی زاناتره‌ كه‌ كێ شایه‌نی ئه‌وه‌یه‌ كه‌ خوای گه‌وره‌ پاكی بكاته‌وه‌ ئێوه‌ خۆتان به‌باش دامه‌نێن، وه‌ رووبه‌ڕوو مه‌دحى كه‌س مه‌كه‌ن [ وَلَا يُظْلَمُونَ فَتِيلًا (٤٩) ] وه‌ هیچ كه‌سێك زوڵمی لێ ناكرێ به‌ ئه‌ندازه‌ى فه‌تیلێكیش، واته‌: ئه‌و ده‌زوه‌ى كه‌ له‌ خه‌تی ناوكی خورمادایه‌.