[ مَا يُقَالُ لَكَ إِلَّا مَا قَدْ قِيلَ لِلرُّسُلِ مِنْ قَبْلِكَ ] ئه‌ی محمد - صلی الله علیه وسلم - هیچ شتێك به‌ تۆ ناووترێ ته‌نها ئه‌وه‌ی كه‌ به‌ پێغه‌مبه‌رانی پێش تۆ وتراوه‌ له‌ لایه‌ن خه‌ڵكییه‌وه‌ كه‌ وتوویانه‌: ساحیر و جادووگه‌ر و شێت و شاعیرن، تۆیش وه‌كو ئه‌وان ئارام بگره‌ [ إِنَّ رَبَّكَ لَذُو مَغْفِرَةٍ وَذُو عِقَابٍ أَلِيمٍ (٤٣) ] به‌ڕاستی په‌روه‌ردگارت زۆر لێخۆشبووه‌ بۆ ئه‌و كه‌سانه‌ی كه‌ ئه‌گه‌ڕێنه‌وه‌ بۆ لای، وه‌ سزایشی زۆر به‌ ئێش و ئازاره‌ بۆ ئه‌و كه‌سانه‌ی كه‌ به‌رده‌وامن له‌سه‌ر كوفرو تاوان.