[ فَكَذَّبُوهُ فَأَنْجَيْنَاهُ وَالَّذِينَ مَعَهُ فِي الْفُلْكِ ] به‌ڵام ئه‌وان نوحیان به‌درۆزانی وه‌ ئێمه‌ نوح و ئه‌و باوه‌ڕدارانه‌ی كه‌ له‌گه‌ڵیدا بوون ڕزگارمان كردن له‌ناو كه‌شتیه‌كه‌دا [ وَأَغْرَقْنَا الَّذِينَ كَذَّبُوا بِآيَاتِنَا ] وه‌ ئه‌وانه‌یشی كه‌ ئایه‌ته‌كانی ئێمه‌یان به‌درۆزانی وه‌ ئیمانیان پێ نه‌هێنا نوقممان كردن له‌ناو ئاوه‌كه‌دا، كه‌ خواى گه‌وره‌ تۆڵه‌ى سه‌ند له‌ دوژمنانى بۆ دۆستانى، كه‌ سه‌ركه‌وتن و سه‌ره‌نجام له‌ دونیاو قیامه‌ت بۆ باوه‌ڕدارانه‌ [ إِنَّهُمْ كَانُوا قَوْمًا عَمِينَ (٦٤) ] ئه‌مانه‌ به‌ڕاستی قه‌ومێك بوون كه‌ كوێر بوون و حه‌قیان نه‌ئه‌بینی وه‌ ئامۆژگاری سوودی بۆیان نه‌بوو.