[ وَمَا لَهُمْ أَلَّا يُعَذِّبَهُمُ اللَّهُ وَهُمْ يَصُدُّونَ عَنِ الْمَسْجِدِ الْحَرَامِ ] خوای گه‌وره‌ چۆن سزای ئه‌وان نادات له‌ كاتێك ئه‌وان ڕێگری له‌ خه‌ڵكی ئه‌كه‌ن له‌وه‌ی كه‌ بێنه‌ (مسجد الحرام)ه‌وه‌و ئیمان بێنن و عیباده‌ت بكه‌ن [ وَمَا كَانُوا أَوْلِيَاءَهُ ] وه‌ ئه‌م كافرانه‌ دۆست و خۆشه‌ویستی خوای گه‌وره‌ نین كه‌ ئه‌یانووت: ئێمه‌ سه‌رپه‌رشتی ماڵی خوای گه‌وره‌ ئه‌كه‌ین و ئێمه‌ دۆستی خوای گه‌وره‌ین [ إِنْ أَوْلِيَاؤُهُ إِلَّا الْمُتَّقُونَ ] ئه‌وه‌ی كه‌ دۆست و خۆشه‌ویستی خوای گه‌وره‌ بێ ته‌نها ئه‌و كه‌سانه‌ن كه‌ ته‌قوای خوای گه‌وره‌ ئه‌كه‌ن و خۆیان له‌ شیرك و تاوان ئه‌پارێزن [ وَلَكِنَّ أَكْثَرَهُمْ لَا يَعْلَمُونَ (٣٤) ] به‌ڵام زۆربه‌ی كافران ئه‌م شته‌ نازانن.