{چەند دیمەنێكی ترسناكی رۆژی قیامەت} [ وَيَوْمَ نُسَيِّرُ الْجِبَالَ ] وه‌ له‌ ڕۆژی قیامه‌تدا شاخه‌كان له‌ شوێنی خۆیان هه‌ڵئه‌كه‌نین وه‌ به‌ هه‌وادا ئه‌ڕۆن [ وَتَرَى الْأَرْضَ بَارِزَةً ] وه‌ زه‌ویه‌كه‌ ئه‌بینی كه‌ ده‌ركه‌وتووه‌و ته‌خت بووه‌ له‌به‌ر ئه‌وه‌ی هیچ شاخ و دۆڵ و دارو خانووی تیادا نه‌ماوه‌و ڕێك بووه‌ [ وَحَشَرْنَاهُمْ فَلَمْ نُغَادِرْ مِنْهُمْ أَحَدًا (٤٧) ] وه‌ خه‌ڵكی سه‌ره‌تاكان و كۆتاییه‌كان، گه‌وره‌و بچوك هه‌موویان حه‌شر ئه‌كه‌ین و كۆیان ئه‌كه‌ینه‌وه‌ له‌ ساحه‌ی مه‌حشه‌ر كه‌سیان لێ به‌جێ ناهێلین .