[ وَتَرَكْنَا بَعْضَهُمْ يَوْمَئِذٍ يَمُوجُ فِي بَعْضٍ ] وه‌ له‌ پێش هاتنی قیامه‌ت و دواى هاتنى (ده‌ججال)، (یه‌ئجوج و مه‌ئجوج) هه‌موویان تێكه‌ڵ به‌ خه‌ڵك ئه‌بن و زیان به‌ خه‌ڵكى ده‌گه‌یه‌نن كه‌ نیشانه‌ی هاتنی قیامه‌ته‌ [ وَنُفِخَ فِي الصُّورِ ] وه‌ فوو ئه‌كرێ به‌ شه‌یپوردا فووی دووه‌م [ فَجَمَعْنَاهُمْ جَمْعًا (٩٩) ] ئه‌و كاته‌ هه‌موو خه‌ڵكی له‌ شوێنی خۆیان زیندوو ئه‌كه‌ینه‌وه‌ وه‌ له‌ ساحه‌ی مه‌حشه‌ردا كۆیان ئه‌كه‌ینه‌وه‌.