قرآن بلا شبه ايك عظيم كتاب هے۔ اسي كے ساتھ يه بھي ايك حقيقت هےكه وه نهايت آسان كتاب هے مگر اس كا آسان هونا نصيحت كے اعتبار سے هے۔ يعني جو شخص اس سے حق كو جاننا چاهتا هے وه اس كو اپنے ليے نهايت آسان پائے گا۔ مگر جو شخص تلاش حق كے معامله ميں سنجيده نه هو اس كے ليے قرآن ميں كوئي آساني نهيں۔

موجوده دنيا میں آدمي كے سنجيده هونے كي ايك شرط يه هے كه وه ’’انتظار‘‘ كي نفسيات نه ركھتا هو۔ يعني حقيقت كا دليل كي سطح پر ظاهر هونا هي اس كے ليے كافي هوجائےكه وه ا س كو مان لے۔ جو شخص دليل كي سطح پر ثابت شده هوجانے كے بعد اس كو نه مانے وه گويا كه اس بات كا انتظار كررها هے كه حقيقت برهنه هو كر اس كے سامنے آجائے۔ مگر جب حقيقت برهنه هو كر سامنے آتي هے تو منوانے كے لیے نهيں بلكه اس ليے آتي هے كه اعتراف كرنے والوں كي قدر داني كرے اور جنھوں نے اس سے پهلے اعتراف نهيں كيا تھا انھيں هميشه كے ليے اندھے پن كے غار ميں ڈال دے۔