[ لَنْ يَسْتَنْكِفَ الْمَسِيحُ أَنْ يَكُونَ عَبْدًا لِلَّهِ ] عیسى- صلى الله عليه وسلم - ڕه‌تی ناكاته‌وه‌ وه‌ خۆی به‌ گه‌وره‌ نازانێ له‌وه‌ی كه‌ عه‌بدی خوای گه‌وره‌ بێ به‌ڵكو شانازی ده‌كات به‌ عبودیه‌ت و به‌ندایه‌تی كردنی بۆ خوای گه‌وره‌ [ وَلَا الْمَلَائِكَةُ الْمُقَرَّبُونَ ] وه‌ ته‌نانه‌ت فریشته‌ نزیكه‌كانیش له‌ خوای گه‌وره‌ ئه‌وانیش خۆیان به‌گه‌وره‌ نازانن وه‌ ڕه‌تی ناكه‌نه‌وه‌ كه‌ عه‌بدو به‌نده‌ی خوای گه‌وره‌ بن [ وَمَنْ يَسْتَنْكِفْ عَنْ عِبَادَتِهِ وَيَسْتَكْبِرْ ] وه‌ هه‌ر كه‌سێك عیباده‌تى خوا ڕه‌ت بكاته‌وه‌و خۆی به‌ گه‌وره‌ بزانێ [ فَسَيَحْشُرُهُمْ إِلَيْهِ جَمِيعًا (١٧٢) ] ئه‌وه‌ خوای گه‌وره‌ له‌ ڕۆژی قیامه‌ت هه‌ر هه‌موویان كۆ ده‌كاته‌وه‌ وه‌ سزایان ئه‌دات.