[ وَالْبَلَدُ الطَّيِّبُ يَخْرُجُ نَبَاتُهُ بِإِذْنِ رَبِّهِ ] وه‌ خاكی پاك دانه‌وێڵه‌و ڕووه‌كی باشى خۆی ده‌رئه‌كات به‌ ئیزنی خوای گه‌وره‌ [ وَالَّذِي خَبُثَ لَا يَخْرُجُ إِلَّا نَكِدًا ] به‌ڵام خاكی پیس هیچ ڕووه‌ك و دانه‌وێڵه‌یه‌ك ده‌رناكات ته‌نها شتی بێخێرو بێسوود نه‌بێت، ئه‌مه‌ نموونه‌ی باوه‌ڕدارو بێباوه‌ڕه‌، كه‌ باوه‌ڕدار دڵ و كرده‌وه‌ی پاك و چاكه‌، وه‌ بێباوه‌ڕ دڵ و كرده‌وه‌ى پیسه‌ [ كَذَلِكَ نُصَرِّفُ الْآيَاتِ لِقَوْمٍ يَشْكُرُونَ (٥٨) ] به‌م شێوازه‌ ئێمه‌ ئایه‌ته‌كانی خۆمان ڕوون ئه‌كه‌ینه‌وه‌ بۆ كه‌سانێك كه‌ شوكرانه‌بژێری خوای گه‌وره‌ بكه‌ن و دان به‌ نیعمه‌ته‌كانی خوای گه‌وره‌دا بنێن.