Na wajumbe wetu walimjia Ibrahim kwa bishara njema, wakasema: Salama! Naye akasema: Salama! Hakukaa ila mara akaleta ndama wa kuchoma. (69) Basi alipoona mikono yao haimfikilii aliwatilia shaka, na akawaogopa. Wakasema: Usiogope! Hakika sisi tumetumwa kwa kaumu ya Lut'. (70)

Na uwape khabari za wageni wa Ibrahim. (51) Walipo ingia kwake na wakasema: Salama! Yeye akasema: Hakika sisi tunakuogopeni. (52)

Je! Imekufikia hadithi ya wageni wa Ibrahim wanao hishimiwa? (24) Walipo ingia kwake wakasema: Salama! Na yeye akasema: Salama! Nyinyi ni watu nisio kujueni. (25) Akenda kwa ahali yake na akaja na ndama aliye nona. (26) Akawakaribisha, akasema: Mbona hamli? (27)

Basi alipoona mikono yao haimfikilii aliwatilia shaka, na akawaogopa. Wakasema: Usiogope! Hakika sisi tumetumwa kwa kaumu ya Lut'.

Wakasema: Usiogope. Sisi tunakubashiria kijana mwenye ujuzi.

Akahisi kuwaogopa katika nafsi yake. Wakasema: Usiwe na khofu, nao wakambashiria kupata kijana mwenye ilimu.

Na mkewe alikuwa kasimama wima, akacheka. Basi tukambashiria (kuzaliwa) Is-haq, na baada ya Is-haq Yaaqub. (71) Akasema: Je, hivyo mimi nizae, na hali yangu ni kikongwe na huyu mume wangu ni kizee? Hakika haya ni mambo ya ajabu! (72) Wakasema: Je, unastaajabia amri ya Mwenyezi Mungu? Rehema ya Mwenyezi Mungu na baraka zake ziko juu yenu, enyi watu wa nyumba hii! Hakika Yeye ndiye Msifiwa wa kutukuzwa. (73)

Wakasema: Usiogope. Sisi tunakubashiria kijana mwenye ujuzi. (53) Akasema: Mnanibashiria nami uzee umenishika! Basi kwa njia gani mnanibashiria? (54) Wakasema: Tunakubashiria kwa haki; basi usiwe miongoni mwa wanao kata tamaa. (55) Akasema: Na nani anaye kata tamaa na rehema ya Mola wake Mlezi ila wale walio potea? (56)

Na wajumbe wetu walipo mjia Ibrahim na bishara, walisema: Hakika sisi hapana shaka tutawahiliki watu wa mji huu, kwani watu wake hakika wamekuwa madhaalimu.

Akahisi kuwaogopa katika nafsi yake. Wakasema: Usiwe na khofu, nao wakambashiria kupata kijana mwenye ilimu. (28) Ndipo mkewe akawaelekea, na huku anasema na akijipiga usoni kwa mastaajabu, na kusema: Mimi ni kikongwe na tasa! (29) Wakasema: Ndivyo vivyo hivyo alivyo sema Mola wako Mlezi. Hakika Yeye ni Mwenye hikima na Mwenye kujua. (30)

Basi khofu ilipo mwondoka Ibrahim, na ikawa ile bishara imemfikia, alianza kujadiliana nasi juu ya kaumu ya Lut'. (74) Hakika Ibrahim alikuwa mpole, ana huruma, na mwepesi wa kurejea kwa Mwenyezi Mungu. (75) (Akaambiwa): Ewe Ibrahim! Wachilia mbali haya! Kwa hakika amri ya Mola wako Mlezi imekwisha kuja, na hakika hao itawafikia adhabu isiyo rudi nyuma. (76)

Akasema: Hebu nini amri yenu, enyi wajumbe? (57) Wakasema: Hakika sisi tumetumwa kwa kaumu ya wakosefu! (58) Isipo kuwa walio mfuata Luut'i. Bila ya shaka sisi tutawaokoa hao wote. (59) Ila mkewe. Tunakadiria huyo atakuwa miongoni watao bakia nyuma. (60)

Na wajumbe wetu walipo mjia Ibrahim na bishara, walisema: Hakika sisi hapana shaka tutawahiliki watu wa mji huu, kwani watu wake hakika wamekuwa madhaalimu. (31) Akasema: Hakika humo yumo Lut'i. Wao wakasema: Sisi tunajua zaidi nani yumo humo. Hapana shaka tutamwokoa yeye na ahali zake, isipo kuwa mkewe aliye miongoni mwa watao kaa nyuma. (32)

AKASEMA: Basi ujumbe wenu ni nini, enyi mlio tumwa? (31) Wakasema: Hakika sisi tumetumwa kwa watu wakosefu, (32) Tuwatupie mawe ya udongo, (33) Yaliyo tiwa alama kutoka kwa Mola wako Mlezi kwa ajili ya wanao pindukia mipaka. (34)