Na wajumbe wetu walipo kuja kwa Lut' aliwahuzunukia na akawaonea dhiki. Akasema: Hii leo ni siku ngumu!

Basi wale wajumbe walipo fika kwa Luut'i, (61) Alisema (Luut'i): Hakika nyinyi ni watu msio juulikana. (62) Wakasema: Bali sisi tumekuletea yale waliyo kuwa wakiyafanyia shaka. (63)

Na wajumbe wetu walipo mfikia Lut'i, alihuzunika kwa ajili yao, na moyo uliona dhiki kwa ajili yao. Wakasema: Usiogope, wala usihuzunike. Hakika sisi tutakuokoa wewe na ahali zako, ila mkeo aliye miongoni mwa watao kaa nyuma.

Na wajumbe wetu walipo kuja kwa Lut' aliwahuzunukia na akawaonea dhiki. Akasema: Hii leo ni siku ngumu! (77) Wakamjia kaumu yake mbio mbio. Na kabla ya haya walikuwa wakitenda maovu. Yeye akasema: Enyi watu wangu! Hawa binti zangu, ndio wametakasika zaidi kwenu. Basi mcheni Mwenyezi Mungu, wala msinihizi mbele ya wageni wangu. Hivyo, hamna hata mtu mmoja miongoni mwenu aliye ongoka? (78) Wakasema: Bila shaka umekwisha jua hatuna haki juu ya binti zako, na unayajua tunayo yataka. (79) Akasema: Laiti ningeli kuwa na nguvu kwenu, au nategemea kwenye nguzo yenye nguvu! (80)

Na wakaja watu wa mji ule nao furahani. (67) Akasema: Hakika hawa wageni wangu, basi msinifedheheshe. (68) Na mcheni Mwenyezi Mungu, wala msinihizi. (69) Wakasema: Sisi hatukukukataza usimkaribishe yeyote? (70) Akasema: Hawa binti zangu, ikiwa nyinyi ni watendaji. (71)

(Wajumbe) wakasema: Ewe Lut'! Sisi ni wajumbe wa Mola wako Mlezi. Hawa hawatakufikia. Na wewe ondoka pamoja na ahali zako usiku ungalipo. Wala yeyote miongoni mwenu asitazame nyuma, isipo kuwa mkeo, kwani yeye utamfika msiba utakao wafika hao. Hakika miadi yao ni asubuhi. Je, asubuhi si karibu?

Wakasema: Bali sisi tumekuletea yale waliyo kuwa wakiyafanyia shaka. (63) Na tumefika kwako kwa Haki, na hakika sisi tunasema kweli. (64) Basi ondoka na ahli zako usiku ungalipo, nawe ufuate nyuma yao, wala yeyote kati yenu asigeuke nyuma. Na mwende mnapo amrishwa. (65) Na tukamfunulia hukumu hiyo, ya kwamba hata wa mwisho wao hao ikifika asubuhi atakuwa kesha katiliwa mbali. (66)

Basi ilipo fika amri yetu tuliigeuza nchi juu chini, na tukawateremshia mvua ya changarawe za udongo mgumu ulio kamatana wa Motoni, (82) Zilizo tiwa alama kwa Mola wako Mlezi. Na haya hayako mbali na wenye kudhulumu wengineo. (83)

Ukelele ukawatwaa wakipambaukiwa. (73) Na tukaigeuza nchi juu chini, na tukawanyeshea mvua ya mawe ya udongo wa Motoni. (74) Hakika katika hayo zipo ishara kwa waaguzi. (75) Na miji hii ipo kwenye njia inayo pitiwa. (76) Hakika katika hayo ipo ishara kwa Waumini. (77)

Kwa yakini sisi tutawateremshia watu wa mji huu adhabu kutoka mbinguni kwa sababu ya uchafu wanao ufanya. (34) Na tumeacha katika mji huo Ishara ilio wazi kwa watu wanao tumia akili zao. (35)