[ قَالُوا اطَّيَّرْنَا بِكَ وَبِمَنْ مَعَكَ ] وتیان: ئێمه‌ هه‌ست به‌ شوومی ئه‌كه‌ین به‌ تۆ، تۆ و باوه‌ڕداران شوومن به‌سه‌ر ئێمه‌وه‌و خراپه‌تان بۆ ئێمه‌ هێناوه‌و به‌هۆی ئێوه‌وه‌ تووشی وشكه‌ساڵی بووینه‌ [ قَالَ طَائِرُكُمْ عِنْدَ اللَّهِ ] صاڵح پێغه‌مبه‌ر - صلی الله علیه وسلم - فه‌رمووی: شوومی نیه‌و هه‌موو شتێك به‌ده‌ستی خوای گه‌وره‌یه‌ [ بَلْ أَنْتُمْ قَوْمٌ تُفْتَنُونَ (٤٧) ] به‌ڵكو ئێوه‌ قه‌ومێكن خوای گه‌وره‌ تاقیتان ئه‌كاته‌وه‌.