[ أَفَأَصْفَاكُمْ رَبُّكُمْ بِالْبَنِينَ ] ئایا په‌روه‌ردگارتان ئێوه‌ی هه‌ڵبژاردووه‌ به‌وه‌ی كه‌ كوڕتان پێ ببه‌خشێ [ وَاتَّخَذَ مِنَ الْمَلَائِكَةِ إِنَاثًا ] وه‌ كچی بۆ خۆی بڕیار داوه‌ وه‌كو هه‌ندێك له‌ عه‌ره‌ب كه‌ ئه‌یانووت: مه‌لائیكه‌ت كچی خوای گه‌وره‌یه‌ ئایا خوای گه‌وره‌ فه‌زڵی ئێوه‌ی به‌سه‌ر خۆیدا داوه‌ كوڕی به‌ ئێوه‌ داوه‌و كچی بۆ خۆی بڕیار داوه‌، چونكه‌ ئه‌وان به‌ كچ رازى نابوون و كچیان زینده‌ به‌چاڵ ده‌كرد [ إِنَّكُمْ لَتَقُولُونَ قَوْلًا عَظِيمًا (٤٠) ] به‌ڕاستی ئێوه‌ قسه‌یه‌كی زۆر گه‌وره‌ ئه‌كه‌ن و ئه‌یده‌نه‌ پاڵ خوای گه‌وره‌.